د پوهنې وزارت د نشراتو او عامه اړیکو محترم رئیس د کابل ښار یو شمېر تعلیمي مرکزونو د آزموینې له پروسې څخه لیدنه وکړه
د پوهنې وزارت د نشراتو او عامه اړیکو رئیس محترم مفتي حبیب الله «قتاده نوري» د یو پلاوي سره د کابل لسمې ښوونیزې ناحیې ته لاړ او هلته یې د پوهنې چارواکو سره په ګډه د اماني لېسې، احمدشاه مسعود ښوونځي او امید خصوصي لېسې د زدهکوونکو څلور نیم میاشتنیو ازموینو څخه څارنه او ارزونه وکړه.
په پيل کې د پوهنې وزارت د نشراتو او عامه اړیکو رئیس د پورته ذکر شویو تعلیمي مرکزونو له چارواکو سره وکتل او په آزموینو کې یې د روڼتیا، پر وخت د اداري اسنادو او پایلو طی مراحل کولو، مسئولیتونو ته پاملرنې او په اسلامي روحیې سره د هېواد بچیانو په ښوونې او روزنې ټینګار وکړ او زده کونکي یې زده کړې ته وهڅول.
ورپسې د پورته ذکر شویو تعلیمي مرکزونو چارواکو او کارکوونکو د پوهنې وزارت د نشراتو او عامه اړیکو د رئیس له ورتګ څخه هرکلی او خوښي څرګنده کړه.
