بلخ ولایت کې د ۵ مېلیونه افغانیو په لګښت د یو باب ښوونځي بیارغونې کارونه بشپړ شول
د بلخ ولایت نهرشاهي ولسوالۍ احمد شاه مسعود عالي لېسې د بیارغونې او ترمیم چارې، چې څه موده وړاندې د پوهنې وزارت سره په همغږۍ د ۵ مېلیونه افغانیو په لګښت د یوې همکارې ادارې لخوا پیل شوې وې، اوسمهال د یاد ولایت پوهنې چارواکو په حضور کې بشپړې او ګټې اخیستنې ته وسپارل شوې.
مسئولینو په خپلو ویناوو کې د دیني علومو تر څنګ د عصري علومو زدهکړه ارزښتناکه وګڼله او له خلکو یې وغوښتل چې خپل ماشومان تعلیمي مرکزونو ته واستوي.
د یادونې وړ ده چې په دغو رغنیزو پروژو کې، د ژور څاه کیندل، اوبو ټانکر نصبول، د ودانۍ او درسي خونو رنګول، د لاینونو غځول او د درسي ټولګیو د ځمکې کاشيکول شامل وو.
د پوهنې وزارت مشرتابه له ښوونیز نظام سره د همکارو ادارو له ملاتړ څخه قدرداني کوي.
