په غور ولایت کې د سیمه ییزو ټولګیو اړوندو ښوونکو د مسلکي وړتیاوو لوړولو لپاره روزنیز ورکشاپ پرانیستل شو
د غور ولایت د سیمه ییزو ټولګیو د۱۷۰ تنو ښوونکو د مسلکي وړتیاوو لوړولو په موخه روزنیز ورکشاپ، له پوهنې وزارت سره د همکارې یوې ادارې په ملاتړ د پوهنې مسئولینو او چارواکو په شتون کې جوړ شو او ټاکل شوې ده چې د ۱۲ نورو ورځو لپاره به دوام ولري.
په همدې مناسبت په جوړه شوې غونډه کې، د غور ولایت پوهنې رئیس مولوي حفیظ الله محفوظ د ښوونې او روزنې پر ګټو د خبرو ترڅنګ، د ټول ولایت په کچه د اغېزمنو زدهکړو د آسانتیاوو چمتو کولو د هڅو په اړه خبرې وکړې.
دغه راز نوموړي د یاد پروګرام د منځپانګې، تعلیمي موادو، ارزونې او څارنې اهمیت او په ټولګیو کې د ښوونکو د تدریسي مېتودونو او یو شمېر نورو مهمو مسایلو په تړاو ځینې مهم ټکي هم بیان کړل.
