د پوهنې وزارت د کیفیت تضمین معینیت پلاوي د سرپل ولایت له پوهنې رئیس سره وکتل
د پوهنې وزارت د معیاري آزموینو ریاست پلاوی، د سرپل ولایت په ښوونځیو کې د صنفي اصولو د ټولګیو د تعلیمي بهیر ارزونې په موخه یاد ولایت ته ورسېد.
یاد پلاوي لومړی د سرپل ولایت له پوهنې رئیس مولوي محمد رحماني سره په لیدنه کې، د ښوونځیو د تعلیمي وضعیت، ننګونو او پرمختګونو په اړه بحث او نظرونه تبادله کړل.
ورپسې د یاد ولایت پوهنې رئیس پلاوي ته د ښه راغلاست ترڅنګ، دغه سفر د ولایتونو تعلیمي وضعیت ته د پوهنې وزارت د مستقیمې پاملرنې او اصلاحاتو پروسې څخه د ملاتړ نښه وبلله.
نوموړي څرګنده کړه، د سرپل ولایت پوهنې ریاست رهبري په دې ولایت کې د تعلیمي پروسې لاپراختیا او معیاري کولو لپاره له خپلو ټولو وړتیاوو او تجربو څخه کار اخلي او په یاده برخه کې به دوی خپلې هلې ځلې لاپسې زیاتې کړي.
همدارنګه پلاوي ته یې د هغوی د پلانونو په پلي کولو کې د هر ډول ممکنه همکارۍ ژمنه وکړه.
