د نجم القرآن تر سرلیک لاندې د قرآن کریم د حفظ او حسن قرائت سیالۍ پای ته ورسېدې
د هلمند ولایت مرکز لښکرګاه ښار اړوند غازي محمد ایوب خان مېني عمري ماڼۍ کي د یو لړ مراسمو پر مهال د سویل لوېدیز زون په کچه د نجم القرآن تر سرلیک لاندي د قرآ نکریم د حفظ او حسن قرائت سیالۍ پای ته ورسېدې.
په یادو پرتمینو مراسمو کې د پوهنې وزارت د اسلامي زدهکړو معینیت د مدارسو او دارالحفاظونو رئیس الحاج مفتي عبدالرزاق"صدیق"، د هلمند ولایت والي الحاج مولوي عبدالرحمن "مسلم کندزي، پوهني رئیس الحاج مولوي محمد عوض"انصاري"، مسئولینو، ګڼ شمېر جیدو علماء کرامو، حافظانو، قاریانو او عامو وګړو ګډون درلود.
لومړی د هلمند ولایت پوهني رئیس د یادو آزموینو په تړاو هر اړخیزي خبري وکړې ویې ویل: چي دغه سیالۍ د پوهني وزارت د اسلامي زده کړو معینیت په نوښت، د زون په کچه ۸ میاشتي وړاندې په هلمند، کندهار، زابل او اروزګان کي پیل شوي وې، چي نن پای ته ورسېدې.
نوموړي زیاته کړه: یادي سیالۍ په دریو پړاونو کي ترسره شوې، چي پکې ۴ تنو حافظانو او ۴ تنو قاریانو برخه لرله.
ورپسې د پوهنې وزارت د اسلامي زدهکړو معینیت د مدارسو او دارالحفاظونو رئیس په خپله وینا کې د داسې سیالیو ترسره کول د مدارسو د طلابو په هڅولو او د هغوی ترمنځ د سالم رقابت فضاء رامنځته کولو لپاره خورا مهمې وبللې او دا لړۍ یې د تعلیمي وضعیت لاښه والي لپاره ګټوره وبلله.
د یادونې وړ ده چې د سویل لویدیز زون په کچه په دغو سیالیو کې، د هلمند ولایت ناوې ولسوالۍ اړوند سعد ابن ابي وقاص «رضی الله عنه» له مدرسې څخه د حفظ په برخه کې حافظ محمد ادریس او د حسن قرائت برخه کې، د همدې ولسوالۍ له دارالعلوم شریعه څخه قاري سراج الدین لومړي مقامونه ترلاسه کړل.
په پای کې د مسئولینو له لوري د یادو سیالیو د لومړي مقامونو ګټونکو ته ۲۰ زره افغانۍ، د دویم مقامونو ګټونکو ته ۱۰زره افغانۍ او د درېیم مقامونو ګټونکو ته ۵ زره افغانۍ نغدي جایزې ورکړل شوې.
