په دایکنډي ولایت کې یو باب لومړنی ښوونځی تاسیس شو
د دایکنډي ولایت میرامور ولسوالۍ اړوند په داله سیمه کې د "خورشید" لومړني ښوونځی، د پوهنې رئیس مولوي رحمت الله قندیلي، مسئولینو او د یادې ولسوالۍ د یو شمېر علماءکرامو او عامو خلکو په حضور کې تاسیس او پرانیستل شو.
په پلان کې ده، چې یاد ښوونځی به د توغي بالا، توغي پاین، ورکلیچه او داله کلیو څخه ۱۲۰ تنو زده کونکو ته د زده کړې آسانتیا برابره کړي، په داسې حال کې چې پخوا، د همدغو سیمو زده کونکي د زده کړې لپاره لیرې پرتو سیمو (۴ کیلومتره لیرې) ځایونو ته سفر کاوه.
د یادولو وړ ده، چې دغه ښوونځی د پوهنې وزارت او خلکو په همکارۍ تاسیس شوی، چې دا د هېواد بچیانو لپاره د دوی په سیمو کې زده کړې ته د لاسرسي په موخه یو مهم ګام دی
