د قرآن کریم د نړیوالو سیالیو ۴۱ م پړاو د افغانستان.ا.ا. داور پلاوي په حضور کې ترسره شو
د قرآن کریم د ترتیل، تجوید، حفظ او حسن قرائت په برخو کې نړیوالې سیالۍ، چې هر کال د ایران اسلامي جمهوریت په کوربتوب، د نړۍ له ګوټ ګوټ څخه د علماوو او حافظانو په ګډون ترسره کېږي، سږ کال د یادو سیالیو ۴۱م پړاو د اړوندو هېوادونو د جیدو علماءکرامو په حضور کې پلی شو.
په یادو سیالیو کې چې څه موده وړاندې په ایران اسلامي جمهوریت کې ترسره شوې، د افغانستان .ا.ا. داور پلاوي د پوهنې وزارت د اسلامي زده کړو معینیت د دارالحفاظونو علمي او تدریسي آمر استاد مبین شاه «رمزي»، په مشرۍ ګډون درلود.
په پای کې د ځانګړي داور پلاوي لخوا د پایلو او ارزونو وروسته، د یادو مهمو سیالیو لومړي، دویم او درېیم مقامونو ګټونکو ته چې ممتاز مقامونه یې ترلاسه کړل، تصدیق پاڼې او ډالۍ ورکړل شوې.
