د ننګرهار ولایت د پوهنې نوی رئیس معرفي شو
په هغو مراسمو کې چې د ننګرهار ولایت د پوهنې نوي رئیس په توګه د شیخ محمد شریف حلیم د پېژندګلوۍ په موخه جوړ شوي وو، پکې د پوهنې وزارت د کیفیت تضمین معین الحاج مولوي عبدالخالق صادق، د دغه ولایت مسئولینو، د علماوو شورا غړو او د پوهنې ریاست مهمو چارواکو برخه اخیستې وه. د پوهنې وزارت معین او نورو ویناوالو د یاد ولایت د پوهنې نوي رئیس ته د مبارکۍ ویلو ترڅنګ، نوموړي ته د صادقانه خدمت او د پوهنې د لاپرمختګ په برخه کې د بریالیتوب دعاء وکړه. په ورته مهال د ننګرهار ولایت د پوهنې نوي رئیس، د افغانستان.ا.ا. له مشرتابه په ځانګړې توګه د پوهنې وزارت د رهبرۍ له باور څخه د مننې سربېره ژمنه وکړه، چې د ټول توان او د خپلو تجربو څخه په استفادې سره به د معیاري تعلیمي نظام د لاپراختیا په برخه کې خپلې هڅې لاپسې زیاتې کړي.
