د هرات ولایت پوهنې ریاست د ښوونکو د روزنې او مسلکي پراختیا آمریت کادري غړو لپاره روزنیز ورکشاپ پیل کړ
د هرات ولايت پوهنې رياست د مسئولينو د څرګندونو له مخې: د پوهنې وزارت د ښوونکو د روزنې او مسلکي پراختیا ریاست د تخنیکي روزونکو له خوا د دغه ولایت د پوهنې رئیس مولوي رحمت الله جابر او مسئولینو په حضور کې (د اغېزمن تدریس او زده کړې د پراختیا )سیمینار د ښوونکو د روزنې او مسلکي پراختیا آمریت د علمي غړو وړتیا لوړولو او پياوړتيا په موخه پرانیستل شو.
د دغه ورکشاپ د پرانیستې په مراسمو کې د ياد ولايت پوهنې رئيس وويل، د کارکوونکو د علمي وړتیاوو لوړولو په موخه د دا ډول ورکشاپونو په لاره اچول خورا اغېزمن دي.
د يادونې وړ ده، چې په دغه ۸ ورځني ورکشاپ کې د مرکز د ښوونکو د روزنې او مسلکي پراختيا آمریت او د ولسواليو د پوهنې آمریتو ١٢٨ تنو علمي غړو برخه اخيستې.
