د پوهنې وزارت د دعوت او ارشاد ریاست پلاوی پنجشېر ولایت ته ولاړ
د مولوي محمد نعیم عمر په مشرۍ د پوهنې وزارت د دعوت او ارشاد ریاست پلاوی پنحشېر ولایت ته ورسېد.
یاد پلاوي د پنجشېر ولايت له پوهنې رئيس مفتي حبيب الله نوري قتاده سره په کتنه کې، چې د دغه ولايت د پوهنې رياست يو شمېر نورو مسئولينو هم حضور درلود، د ښوونیزو پروګرامونو پر اړوندو موضوعاتو خبرې وکړې.
په پیل کې د پنجشېر پوهنې رئیس د دعوت او ارشاد ریاست پلاوي ته ښه راغلاست ووایه او په خپلو خبرو کې یې د دعوت او ارشاد د پروګرامونو د پلي کولو په برخه کې د پوهنې ریاست د کړنو یادونه وکړه.
ورپسې د پوهنې وزارت د دعوت او ارشاد ریاست پلاوي وویل، دغه ولایت ته د دوی د سفر اساسي موخه د یو تن امام او دیني مبلغ معرفي کول، د پوهنې ریاست د تدریسي نصاب څخه څارنه او د ښوونیزو بنسټونو د منسوبینو د صورت او سیرت ارزونه ده.
غونډه دعائیې په لوستلو سره پای ته ورسېده.
