په دایکنډي ولایت کې د ۹ مېلیونه افغانیو په لګښت ۲۰ بابه ښوونځي بیارغول کېږي
په پام کې ده چې په ١٤٠٣ لمريز کال کې د دايکنډي ولايت په مرکز او ولسواليو کې ټولټال ٢٠ بابه ښوونځي ترميم او بياورغول شي.
ياد ښوونځي د دغه ولايت په ميرامور، شهرستان، اشترلي، پاتو، سنګ تخت، بند، خدر، کيتي او کجران ولسواليو کې موقعيت لري، چې د پوهنې وزارت له بوديجې څخه د ۹ مېليونه افغانيو په لګښت ترميم او بيارغول کېږي.
د دايکنډي ولايت پوهنې رئيس مولوي رحمت الله قنديلي د يادې پروسې د پيل پر مهال له ساختماني شرکتونو څخه وغوښتل، چې د دغو ښوونځيو د ترميمولو کيفيت ته جدي پاملرنه وکړي.
