په بدخشان ولايت کې د یو باب ښوونځي نوې ودانۍ د ۳۱۰ زره ۲۰۰ ډالرو په لګښت ورغول شوه
د بدخشان ولايت په مایمي ولسوالۍ کې د جامرچ ښوونځي د ودانۍ چارې بشپړې او د يادې ولسوالۍ د فرهنګي شخصيتونو، قومي مخورو، علماءکرامو او د خلکو د استازو په حضور کې د پوهنې مسئولينو له خوا پرانيستل شوه.
د بدخشان پوهنې رئیس الحاج مولوي نصرت الله فیضاني په یوه پیغام کې یادونه وکړه:
د یاد ښوونځي په جوړولو ټولټال ۳۱۰ زره ۲۰۰ ډالره لګښت راغلی، چې د پوهنې په برخه کې د خیریه بنسټ له لوري ورکړل شوی دی.
د ښوونځي دغه نوې ودانۍ د ۴۰۰۰ متره مربع ځمکې په ساحه کې جوړه شوې او ١٣ درسي ټولګي له نورو ضروري ملحقاتو سره لري، چې په ګټې اخيستنې سره يې ٥٦٠ تنو زده کوونکو ته په خوندي چاپېريال کې د زده کړو زمينه برابره شوه.
د پوهنې مسئولينو له زده کوونکو وغوښتل، تر څو د ښوونځي د وسايلو او تجهيزاتو ساتنې او ترميم ته جدي پاملرنه وکړئ.
