د پوهنې وزارت پلاوي د خیبر پښتونخوا له جنرال قونسل سره وکتل
د عبدالوارث جبیر په مشرۍ د پوهنې وزارت پلاوي د خیبر پښتونخوا له جنرال قونسل حافظ محب الله شاکر او نورو مسئولینو سره وکتل.
په ورته مهال جنرال قونسل له ورغلي پلاوي سره د پوهنې په برخه کې د هر راز همکارۍ ژمنه وکړه.
یاد پلاوي د پوهنې آتشې له مسئولينو سره په ګډه د پېښور د اسلامي زده کړو له رئيس مولوي عبدالسلام عمري سره د ليدنې پر مهال، د پېښور ښوونیزې حوزې له ۸ بابه مدارسو څخه هم ليدنه وکړه او د يادو مدارسو له استادانو او زده کوونکو سره يې له نیږدې وکتل.
پلاوي د دوی د دندو او خدمتونو ستاینه وکړه او دغه راز هغوی مدارسو ته د پلاوي له ورتګ خوښي څرګنده کړه.
