د پوهنې وزارت د معلوماتو او احصائيې رئیس هرات ولایت ته رسمي سفر وکړ
د پوهنې وزارت د معلوماتو او احصائیې رئیس مولوي بسم الله نعماني د هرات ولایت د پوهنیزو چارو ارزونې، د مرکز او ولسوالیو د احصائیې څانګې کارکوونکو ته د علمي میتودونو په اړه د مسلکي سیمینارونو د پیلولو، د زده کوونکو، ښوونکو او نورو اړینو برخو د احصائیې راټولولو په موخه، هرات ولایت ته ولاړ.
په پیل کې نوموړي د یاد ولایت له پوهنې سرپرست او د عمومي زده کړو آمر مفتي نعمت الله معتصم او نورو مسئولینو سره وکتل او ورپسې یې د احصائیې څانګې د مسئولینو لپاره له جوړ شوي ښوونیز سیمینار څخه کتنه وکړه.
ټاکل شوې ده، چې یاد سیمینار به دوه ورځې دوام ولري او وروسته به دغه ډول سیمینارونه د ولسوالیو د احصائیې کارکوونکو لپاره هم جوړ شي.
