په غزني ولایت کې د یو باب ښوونځي نوې ودانۍ پرانیستل شوه
د غزني ولایت په قره باغ ولسوالۍ کې «د توچي لومړني ښوونځي» نوې ودانۍ له رغولو وروسته، د پوهنې ریاست مشرتابه، جیدو علماوو او قومي مشرانو په حضور کې ګټې اخيستنې ته وسپارل شوه.
دغه ښوونځی چې ۶ درسي خونې، یوه اداري ځانګه، د برېښنا سیسټم، د پاکو اوبو یو حلقه څاه، لوبغالی او اړینو محلقاتو په لرلو سره په ۴ جرېبه ځمکه کې جوړ شوی او په یو وخت کې د ۳۰۰ تنو زده کوونکو ظرفیت لري.
د ياد ښوونځي ودانۍ د یو تن معارف دوست شخص له لوري د ۱،۳ میلیونه افغانیو په مالي مرسته جوړه شوې ده
د پوهنې وزارت مشرتابه، تل د پوهنې په برخه کې د هېوادوالو په ځانګړې توګه د غزني ولایت د خلکو له مرستو او همکاریو مننه او قدرداني کوي.
