د ولایتونو پوهنې کړنو ته لنډه کتنه
ننګرهار
یو خیریه بنسټ د ننګرهار ولایت پچیراګام ولسوالۍ د ۱۰ بابه ښوونځیو سره، ۵۰ خېمې، ۵۰ تختې فرشونه، ۵۰ عدده درسي تختې او یو شمېر نورو ښوونیزو توکو مرسته وکړه.
په څو ولایتونو کې
پوهنې وزارت د همکارو بنسټونو په ملاتړ د بلخ، نورستان، کابل او جوزجان ولایتونو د مدارسو او ښوونځیو د یو زره ۲۷۱ تنو ښوونکو او اداري کارکوونکو لپاره، د وړتیا لوړونې میتودیکي سیمینارونه جوړ کړل.
کاپیسا
د کاپيسا ولايت پوهنې رئيس مولوي محمد فريد حقاني، د یاد ولايت د حصه اول کوهستان ولسوالۍ د خم زرګر له ښځینه وو ښوونځي څخه څارنه وکړه.
هرات
د هرات ولایت په پوهنې ریاست کې د ښوونځیو د مدارسو او اړوندو لیلیو د تدریسي، اداري او خدماتي کارکوونکو د تشو بستونو ډکولو په موخه، رقابتي آزموینه واخیستل شوه.
سرپل
د سرپل ولایت پوهنې رئیس مولوي محمد رحماني، د یاد ولایت د قراغو او بهسودو هلکانو لېسو له تدریسي او اداري چارو څخه څارنه وکړه.
