د ولایتونو له پوهنې ډګره د څو خبرونو لنډیز
میدان وردګ
د میدان وردګ ولایت په جلریز ولسوالۍ کې د بي بي عایشه صدیقه «رضی الله عنها» د نجونو ښوونځي د احاطوي دېوال د بنسټ ډبره، د یاد ولایت د پوهنې رئیس په ګډون د یو لړ مراسمو په ترڅ کې کېښودل شوه.
د دغه دېوال د جوړولو لګښت ۵۰۰ زره افغانۍ اټکل شوی، چې د ښوونځي د شورا له خوا ورکول کېږي.
غزني
د پوهنې وزارت یو پلاوی، د تېر ۱۴۰۲ لمریز کال د مالي فعالیتونو او د معاشونو د تطبیق د څېړنې په موخه غزني ولایت ته ورسېد.
پروان
د پروان ولایت پوهنې ریاست اداري غونډه د یاد ولایت د پوهنې رئیس مولوي سید محمد فیضي په مشرۍ د دولتي ادارو د مسئولینو او له پوهنې سره د همکارو بنسټونو د استازو په حضور کې جوړه شوه او په ترڅ کې یې لازمې پرېکړې وشوې.
لغمان
د لغمان ولایت پوهنې رئیس مولوي شاه جهان ساجد د یاد ولایت په مرکز مهترلام ښار کې د اسلامیه دارالعلوم د تدریسي او اداري چارو څخه څارنه وکړه.
زابل
د زابل ولایت پوهنې ریاست سرپرست د یاد ولایت د شاجوی ولسوالۍ د یو شمېر دیني مدارسو او ښوونځیو د ښوونیزو او تدریسي کړنو څخه لیدنه وکړه.
