د بلخ ولایت پوهنې ریاست د تېرو څو ورځو کړنو ته لنډه کتنه
*یو خیریه بنسټ د بلخ ولایت له ۱۳۵ بابه لیلیه مدارسو سره د خوراکي موادو او درسي کتابونو مرسته وکړه.
په يادو مرستو کې وريجې، غوړي، لوبيا، نخود، بوره او له لومړۍ درجې څخه تر احادیثو دورې پورې ۱۰۰ ټوکه کتابونه او د قرآن کريم ٢ زره ١٣٠ جلده شامل دي.
*د بلخ ولایت پوهنې رئیس الحاج مولوي عبدالجلیل شهید خېل د یاد ولایت له اهل تشیع علماوو او مخورو سره وکتل.
دغه راز نوموړي په ټولنه کې د ښو اړیکو په رامنځته کولو او د ښو ښوونیزو چوپړونو په وړاندې کولو تفصیلي خبرې وکړې.
*د بلخ ولایت د پوهنې ریاست د سرچینو او ادارې آمر تر څارنې لاندې، د ولایت مقام، د اطلاعاتو او فرهنګ ریاست او د مرستندویه بنسټونو د استازو په حضور کې د یاد ریاست اداري غونډه جوړه شوه.
*د بلخ پوهنې ریاست کارکوونکو د هرات ولایت د پوهنې ریاست له اداري، ښوونیزو او مالي چارو څخه کتنه او څارنه وکړه.
*د بلخ د پوهنې ریاست د مسئولینو په وینا: تر دې دمه د مارمل، حیرتان، کلدار، شورتېپې، دولت آباد، چهاربولک، چاهي، بلخ، چمتال، نهرشاهي او شولګرې ولسوالیو اړوند درسي کتابونه د پوهنې آمریتونو له ګدامونو څخه انتقال او زده کوونکو ته تسلیم شول.
