د ولایتونو له پوهنې ډګره څو لنډ خبرونه
جوزجان
د جوزجان ولايت د مرکز او ولسواليو د ښوونځيو د ښوونکو لپاره د نويو چاپ شويو درسي کتابونو ښوونيز او لارښود سيمينار پيل شو.
میدان وردګ
د کلي خیریه بنسټ د میدان وردګ ولایت د پوهنې ریاست په همکارۍ، د یاد ولایت د نرخ ولسوالۍ د یو شمېر ښوونځیو زده کوونکو ته د کانکور آزموینې لپاره د چمتوالي په موخه، د ۹ میاشتنیو زده کړو آسانتیا برابره کړه.
لغمان
د لغمان ولایت پوهنې رئیس مولوي شاه جهان ساجد، د یاد ولایت په الیشنګ ولسوالۍ کې د ابوبکر صدیق (رضی الله عنه) د ښوونځي د تدریسي بهیر څخه لیدنه او څارنه وکړه.
زابل
د زابل ولايت پوهني رياست د همکارو بنسټونو له مسئولينو سره د همغږۍ غونډه جوړه کړه.
د یاد ولايت پوهنې رياست د ښوونې او روزنې آمر د يادو ادارو له مسئولينو سره د سيمه ييزه او ګړنديو ښوونيزو ټولګيو د جوړولو، په پروګرامونو کې د همغږۍ او يو شمېر نورو موضوعاتو په اړه د بحث تر څنګ، هوکړې ته ورسېدل.
ننګرهار
د پوهنې په برخه کې د یو همکار بنسټ مسئولینو، د ننګرهار ولایت له پوهنې رئیس مفتي حبیب حضرت حقاني سره وکتل او له هغوی سره یې د ښوونیزو او ګډو پروګرامونو په اړه خبرې وکړې.
همدارنګه
د ننګرهار ولایت پوهنې ریاست په پچیراګام ولسوالۍ کې د ۲۱ خالي اداري او تدریسي بستونو د ډکولو په موخه، له ۱۵۴ تنو نوماندانو څخه آزموینه واخیسته.
