د ځینو ولایتونو له ښوونیزو کړنو څو لنډ خبرونه
ننګرهار
د ننګرهار ولايت مومندرې ولسوالۍ د پوهنې دوست يو تن اوسېدونکي، د يادې ولسوالۍ د هزار نای لېسې له ادارې سره د بيارغونې او تجهيز په موخه، ۳۰ زره افغانۍ نغدي مرسته وکړه.
همدارنګه:
د ننګرهار ولایت مرکز جلال آباد ښار د بي بي زینب لېسې ښوونکو د روژې مبارکې میاشتې په مناسبت، د یادې لېسې پر یو شمېر یتیمو او اړمنو زده کوونکو خوراکي توکي ووېشل.
غزني
د غزني ولایت پوهنې ریاست د روان ۱۴۰۲ لمریز کال د پای او د نوي ۱۴۰۳ ښوونیز کال د پیل په مناسبت، د یاد ولایت له پوهنې آمرینو او د ښوونځیو او مدارسو له مدیرانو سره د پلان جوړونې غونډه وکړه.
په یاده ناسته کې د نویو ښوونیزو پلانونو او پروګرامونو په اړه لازمې خبرې او پرېکړې وشوې.
پنجشېر
د پنجشېر ولايت پوهنې رئيس مفتي حبيب الله نوري قتاده وويل: د یاد ولايت په ټولو ښوونځيو او مدارسو کې به د مشاعرې په چوکاټ کې فرهنګي پروګرامونه جوړ شي.
نوموړي ټینګار وکړ، چې شاعران د خپلو شعرونو په وړاندې کولو سره د ټولنې د نېمګړتیاوو په لرې کولو او د هغو په اصلاح کې ښه رول لوبولی شي.
