د ولایتونو پوهنې لنډ خبرونه
پنجشېر
د پنجشېر ولايت پوهنې رئيس مفتي حبيب الله نوري قتاده، د ياد ولايت مرکز او ولسواليو د پوهنې او څارنې له مسئولينو سره وکتل.
همدارنګه نوموړي په ښوونځيو او مدارسو کې د درسي کيفيت پر لوړولو ټينګار وکړ.
ننګرهار
په ننګرهار ولایت کې یو خیریه بنسټ د جلال آباد ښار پر یو شمېر یتیمانو او بې وزلو زده کوونکو نغدي او خوراکي توکي ووېشل.
د ننګرهار پوهنې ریاست د یاد خيريه بنسټ له همکارۍ مننه او قدرداني وکړه.
کندهار
د کندهار ولايت پوهنې رياست د يو لړ مراسمو په ترڅ کې، د ياد ولايت د مرکزي ښوونځيو په هغو ممتازو زده کوونکو، چې څه موده مخکې يې په ساينسي سياليو کې برخه اخيستې وه بېلابېلې جايزې ووېشلې.
دغه راز نوموړي زده كوونكي د ديني او عصري علومو زده کړې ته وهڅول.
دایکنډي
د دايکنډي ولايت پوهنې رياست غونډه، د ياد ولايت پوهنې رئيس قاري عنايت الله سهار په مشرۍ جوړه شوه.
په ياده غونډه کې په بېلابېلو موضوعاتو سربېره د مدارسو په تدريسي کيفيت خبرې وشوې او لازم تصمیمونه ونیول شول.
