د مرکز او ولایتونو له پوهنې څو لنډ خبرونه
هلمند
د هلمند ولایت پوهنې ریاست رهبري پلاوي د یاد ولایت د ښار جوړونې ریاست له مسئولینو سره د همغږۍ غونډه وکړه او د غصب شویو ملکیتونو او پوهنې ریاست ته یې د بېرته راګرځولو په اړه بحث او لازم تصمیمونه ونیول.
ننګرهار
په ننګرهار ولايت کې دوو مرستندويه بنسټونو د یاد ولايت د سيمه ييزو ښوونځيو او ټولګيو زده کوونکو لپاره د ښوونيزو توکو او فرشونو مرسته وکړه.
د ننګرهار پوهنې ریاست له دواړو خیریه بنسټونو مننه او قدرداني وکړه.
همدارنګه:
د ننګرهار پوهنې ریاست د ۱۲ خالي اداري بستونو د ډکولو په موخه، له ۲۲۰ تنو نوماندانو څخه رقابتي آزموینه واخیسته.
کابل
په تېرو څو ورځو کې د کابل ولایت پوهنې ریاست، د یاد ولایت په شکردره، فرزه او استالف ولسوالیو کې د پوهنې ریاست شاوخوا ۵۴ کارکوونکي ارزولي دي.
لوګر
د کرېکټ هغه سیالۍ چې څه موده مخکې د لوګر ولايت د دولتي او خصوصي ښوونځيو د ١٢ لوبډلو ترمنځ د ۱۴۴ لوبغاړو په ګډون سره پيل شوې وې؛ د يوه خصوصي ښوونځي د لوبډلې په اتلولۍ سره پاى ته ورسېدې
