د ښوونیزې سویې د تثبیت آزموینه واخیستل شوه
د پوهنې وزارت د اساسي او ثانوي زده کړو رياست د اغېزمنې کړنلارې له مخې، د هېواد په رسمي ښوونځيو کې د شاملولو په موخه،د .ا.ا.م/جاهدینو او د راستنیدونکو مهاجرینو څخه د لسم او يوولسمو ټولګيو د سویې د تثبیت آزموینه واخیستل شوه.
د یاد وزارت د اساسي او ثانوي زده کړو د آزموينو کمېټې مسئول مولوي عبدالواحد واحد يار وايي: هغه نوماندان چې شمېر يې تر ١٥٠ تنو پورې رسيږي، په ج/هادي فعاليتونو کې د بوختياوو له امله د زده کړو له دوام څخه پاتې شوې وو.
له بلې خوا ګډون والو د یاد بهیر په اړه خوښي څرګنده کړه، دوی د ټوپک پرځای د قلم مبارزه اغېزمنه وبلله او له نورو م/جاهدینو یې هم وغوښتل، تر څو له شته فرصتونو ګټه واخلي او خپلو زده کړو ته دوام ورکړي.
مخکې له دې د پوهنې وزارت د اساسي او ثانوي زده کړو رياست د دغه ډول پروګرامونو په لاره اچولو سره هېواد ته د راستنېدونکو سلګونو تنو مهاجرينو څخه د سویې د تثبيت په موخه آزموينه اخیستې او په مطلوبو ټولګيو کې يې شامل کړي دي.
