د څو ولایتونو له پوهنې ریاستونو د خبرونو لنډیز
تخار
د تخار ولایت پوهنې ریاست د سیمه ییزو زده کړو د ۲۵۰ ټولګیو د تمویل په برخه کې، د سویډن کمېټې د دفتر له لوري د ACDO داخلي مؤسسې ته د مسئولیت سپارلو غونډه ترسره کړه.
د تخار پوهنې رئیس الحاج مولوي حزب الله مبشر، د سویډن کمېټې له خدمتونو او هڅو مننه وکړه او د ACDO مؤسسې له مسئولینو یې هیله وکړه، چې د پوهنې له ریاست سره په همغږۍ او همکارۍ خپل فعالیتونه تر سره کړي.
پروان
د پروان ولایت پوهنې رئیس مفتي محمد حسن حقاني تر څارنې لاندې، د مالي لګښتونو د تطبیق او سپما په اړه غونډه جوړه شوه د پروان پوهنې رئیس د ياد ریاست له مالي مسئولينو وغوښتل، چې په مالي برخه کې روڼتيا ته جدي پاملرنه وکړي او له اضافي لګښتونو ډډه وکړي.
پکتیکا
د پکتیکا ولایت پوهنې ریاست مشرتابه پلاوي له لوري، مولوي محمد اسحق اسد د یاد ولایت د شکین ولسوالۍ د پوهنې نوي آمر په توګه کارکوونکو ته ور وپېژندل شو.
د شکین ولسوالۍ پوهنې آمر د پوهنې وزارت مشرتابه له اعتماد څخه د مننې ترڅنګ ژمنه وکړه، چې د یاد ریاست د پلانونو د پلي کولو په برخه کې به په خپل ټول توان سره صادقانه کار کوي.
پنجشېر
د پنجشېر ولایت پوهنې ریاست کې د درۍ کلن ښوونیز پلان د ترتیبولو په موخه، مشورتي غونډه جوړه شوه.
د پوهنې رئيس مولوي غلام ایشان حماس وويل: په یاده غونډه کې د پوهنې رياست د بېلابېلو څانګو له مسئولينو څخه د هغوى نظرونه وغوښتل شول او په دې اړه تفصیلي بحثونه وشول.
کاپیسا
د کاپيسا ولايت پوهنې رئيس مولوي محمد فريد حقاني، په هغه غونډه کې چې د ١٤٠٢ کال د کانکور په آزموينه کې د برياليو زده کوونکو د ستاينې په موخه جوړه شوې وه، د برياليو زده کوونکو د مبارکۍ ترڅنګ، په انساني ژوند کې د پوهنې پر ارزښت او رول خبرې وکړې.
