له ولایتونو څخه د پوهنې د کړنو څو لنډ راپورونه
بغلان
د بغلان ولایت پوهنې رئیس الحاج مولوي محمد نور عزیزي، د ياد ولایت مرکز اړوند د شمرق عالي لېسې له اداري او تدریسي چارو څخه د څارنې په ترڅ کې، د زده کوونکو د والدینو شورا له فعاليتونو څخه، چې د يادې لېسې په برخه کې يې کړې وو، ستاینه وکړه.
نوموړي له نورو هېوادوالو څخه هم وغوښتل چې د پوهنې پرمختګ په برخه کې له دوی سره همکاري وکړي
همدارنګه:
دبغلان ولايت پوهنې رياست اداري غونډه د ياد ولايت پوهنې رئيس الحاج مولوي محمد نورعزيزي په مشرۍ جوړه شوه.
په ياده غونډه کې، د ښوونيز کيفيت په لوړوالي، د تدریسي موادو او تجهیزاتو په ښه مدېریت او د ښوونځيو له کړنو څخه دښې څارنې په تړاو تفصيلي بحثونه وشول.
دایکنډي
د دایکنډي ولایت پوهنې رئیس الحاج مفتي رحمت الله مدثر تر نظارت لاندې، د همکارو ادارو او پوهنې ریاست تر منځ د همغږۍ غونډه جوړه شوه او د یادو بنسټونو د مسئولینو تر منځ د ښوونیزو فعاليتونو په برخه کې، د لازياتې همغږۍ په تړاو نظرونه تبادله شول.
پنجشېر
دپنجشېر ولايت پوهنې رئيس مولوي غلام ايشان حماس، د پوهنې په برخه کې د همکارو بنسټونو له استازو سره وکتل او دښوونځيو دسيمه ييزو درسي ټولګيو فعاليت ، د ښوونکو د معاشونو ورکړې او يو شمېر نورو ستونزو د حل په باب، تفصيلي بحثونه وشول.
