د پوهنې وزارت د وړتیاوو او استعدادونو ارزونې رئیس، خوست ولایت ته سفر وکړ
د پوهنې وزارت د اسلامي زده کړو معینیت د وړتیاوو ارزونې رئیس مفتي عبدالولي سداد په مشرۍ یو پلاوي، په مدارسو کې د وړ کسانو ګمارنې په موخه خوست ولايت ته سفر وکړ.
په پیل کې پلاوي د یاد ولایت له والي الحاج ملا بسم الله عبدالله سره د هغه په دفتر کې وکتل او د یاد ولایت په مدارسو او دیني بنسټونو کې یې د نویو ګمارنو پر څرنګوالي هر اړخیز بحث وکړ.
ورپسې یاد پلاوي د پوهنې ریاست له رئیس او مشرتابه او د یاد ولایت د اسلامي زده کړو مرکزونو له مسئولینو سره وکتل او د مدارسو د زده کوونکو او پرسونل د دقیقې احصایې د چمتو کولو په اړه یې هغوی ته لازمې لارښوونې وکړې.
په دې کتنه کې د ديني زده کړو بنسټونو لپاره د بستونو وېش او د يادو بستونو د ټاکلو په اړه د مسئولينو ترمنځ مشورې او نظرونه تبادله شول.
د همدغو ناستو په دوام، د وړتیاووارزونې رئیس، د خوست جهادي مدرسې، سراج الاسلام مدرسې او د یاد ولایت دارالایتام څخه د لیدنې په ترڅ کې، دهغوی ستونزې او وړاندیزونه واورېدل او د حل په برخه کې یې د همکارۍ ژمنه وکړه
