د لوګر ولایت یو شمېر ښوونځیو سره د درسي کتابونو مرسته وشوه
د پوهنې وزارت په همغږۍ او د یونیسف مؤسسې په مرسته د لوګر ولایت ۲۷۶ ښوونځیو لپاره د ۲۳ زرو امریکایي ډالرو په ارزښت ۵۴۲۰ د درسي کتابونو مرسته وشوه.
په دې مرسته شویو توکو کې ۲۷۱ ښوونیزې بستې او لس قلمه نور بېلابېل ښوونیز توکي شامل دي، چې ډېر ژر به
له لومړي څخه تر شپږم ټولګي پورې پر ۵۴۲۰ تنو زده کوونکو ووېشل شي.
د لوګر ولایت د پوهنې رئیس مولوي جنت ګل عزیز یاده مرسته د زده کونکو لپاره خورا مهمه وبلله او د یادې مؤسسې څخه یې د دوام غوښتنه وکړه.
د یادونې وړده چې: تر دې وړاندې هم یونیسف مؤسسې د لوګر ولایت پر ښوونځیو، ښوونکو او زده کوونکو دا ډول مرستې وېشلې دي.
