د لوګر ۱۰۰ ښوونکو ته د وړتیا لوړونې ورکشاپ پیل شو
د لوګر د مرکز او ولسوالیو د ښوونځیو ۱۰۰ تنو ښوونکو ته وړتیاوو لوړولو په موخه لس ورځنۍ روزنیز ورکشاپ پیل شو.
دغه ورکشاپ د I.R.C په نوم د پوهنې یوې همکارې موسسې جوړ کړی، چې ۵۰ ښځینه او ۵۰ نارینه ښوونکي په کې برخه لري.
په دې ورکشاپ کې ښوونکو ته د ښوونځیو د زده کړې کیفیت د لوړولو په موخه د درسي مسایلو په هکله روزنه ورکول کېږي څو په ښوونځیو کې د زده کړو بهیر لا پیاوړی شي.
د لوګر د پوهنې رئیس عبدالوکیل کلیوال وايي،چې په ښوونځیو کې یې د زده کړو کیفیت د لوړوالي لپاره جدي هڅې پیل کړې دي څو په ښوونځیو کې د زده کړو د سیستم کیفیت لوړ شي.
د یادونې وړده،چې د I.R.C موسسې له دې مخکې هم د لوګر سلګونه ښوونکي د وړتیا لوړونې په برخه کې روزلي دي.
