له ولایتونو څخه د پوهنې لنډ خبرونه
لغمان
د لغمان ولایت د اصحاب الصفه له دیني مدرسې څخه د ۳۶۰ تنو د فراغت په مناسبت د ولایت د والي، د پوهنې ریاست د رهبري پلاوي، د ملکي او نظامي ادارو د نورو مسوولینو په ګډون یوه لویه غونډه جوړه شوه.
د لغمان والي فارغینو ته د مبارکۍ ترڅنګ له دوی وغوښتل چې په خپلو سیمو کې د دیني مدرسو په جوړولو سره نوی نسل د دیني علومو له نعمته برخمن کړي.
کابل
د OCCD موسسې مسوولینو خپل درې نوي ګمارل شوي کسان یې د سیمه ییز کارکوونکي په توګه د چارو د همغږۍ په موخه د کابل د موسهي ولسوالۍ د پوهنې آمریت کارکوونکو ته ور وپېژندل.
د دې ولسوالۍ د پوهنې او د څارنې آمرینو د يادې شوې ادارې له مرستو څخه د مننې ترڅنګ له دوی سره د هر ډول همکاریو ژمنه وکړه.
دایکندي
د دايکنډي ولايت د پوهنې رئيس مفتي رحمت الله مدثر په سويډن کې د قران کريم د یوې نسخې د سوځولو له امله د دغه ولايت د خلکو په اعتراضيه لاريون کې، چې د دغه رياست له ګڼ شمېر کارکوونکو سره يې ګډون کړى و، نوموړي قرآن کريم یې د اسلام د مبارک دین یو نافذ شوی قانون وباله.
نوموړي د دایکندي ولایت د مسلمان او مجاهد ولس د ارادې او پیوستون قدرداني وکړه.
پکتیکا
د پکتیکا ولایت د اورمړو ولسوالۍ د پوهنې او څارنې آمرینو د دې ولسوالۍ په واصل خېلو کلي کې، چې د یونیسف او CBS سیمه ییزې موسسې فعالیت لري د دغو سیمه ییزو ښوونځیو تدریسي او اداري چارې وڅارلې او د ښوونې او روزنې د بهیر د ښه والي په موخه یې له قومي مشرانو سره هم وکتل.
فراه
د فراه د پوهنې ریاست کې په دې وروستیو کې د نویو ګمارل شویو کسانو څخه عبدالکریم ریحان د مالي او اداري د عمومي مدیر په توګه، محمد قاسم د معاشاتو د مدیر په توګه او قاري حبیب الرحمن کریمي د دغه ولایت د پوهنې ریاست د سکرتر په توګه ټاکل شوي او د پوهنې رئیس مولوي اختر محمد زعیم له لوري کارکوونکو ته ور وپېژندل شول.
