د کندهار له پوهنې ریاست څخه لنډ خبرونه
د کندهار ولايت د پوهنې رياست د رهبرۍ په لارښوونه د دغه ولايت د ښوونځيو او مدارسو له زده کوونکو څخه د سیرت النبي (ص) ازموينه د پوهنې رياست داسلامي زده کړو آمریت په تالار کې واخيستل شوه .
د اسلامي زده کړو د آمر مولوي نعمت الله الفت په وينا د دې سياليو له ترسره کېدو يې موخه د ښوونځيو او مدارسو ترمنځ واټن لرې کول دي.
د کندهار ولایت د ښار د څارنې آمر حافظ مولوي محمد عثمان روحاني د احمدشاه بابا عالي لېسې اداري او تدریسي چارې یې وڅېړلې او په اداري چارو کې یې اړوندو مسوولینو ته لازمې لارښوونې وکړې.
د کندهار ولايت د دامان ولسوالۍ د پوهنې آمر مفتي عبدالواحد احمد سعيد د دې ولسوالۍ د شاداد کاريز لېسې له اداري او ښوونيزو فعاليتونو څخه لیدنه وکړه او همدا ډول په دې ولسوالۍ کې یو ښوونځی ، چې پخوا د ستونزو له امله تړل شوى و، بېرته پرانيستل شو.
د کندهار ولايت د دامان ولسوالۍ د پوهنې او د څارنې آمرینو په دې ولسوالۍ کې له امانيه ديني مدرسې څخه ليدنه وکړه او د دې مدرسې د اداري او تدريسي چارو د کتلو پر مهال يې د ستونزو په حل کې د مرستو ژمنه وکړه.
د کندهار ولایت په میوند بالا کې د پوهنې ریاست چارواکي وايي، په دې ولسوالۍ کې د پوهنې ریاست یو شمېر هغه ټولګي چې د OCCD موسسې له خوا یې ملاتړ کېږي، تر څارنې او ارزونې لاندې نیول شوي او مسوولینو ته یې لارښوونه کړې، چې خپل ټول فعالیتونه د پوهنې وزارت د طرزالعملونو په رڼا کې پر مخ یوسي.
