د لغمان د پوهنې ریاست فعالیتونو ته لنډه کتنه
لغمان:
د لغمان ولایت د دولت شاه ولسوالۍ د پوهنې آمر مولوي عبدالمومن منقاد د دې ولسوالۍ د چاشدر او ګمندوک له ښوونځیو څخه لیدنه وکړه.
نوموړي په دې ناسته کې د زده کوونکو د علمي سویې د ارزونې پرمهال د يادو ښوونځيو له مسوولينو وغوښتل، چې د زده کوونکو د زده کړو په برخه کې له پوره ايماندارۍ څخه کار واخلي.
د نورو خبرونو له مخې:
د لغمان ولایت د دولت شاه ولسوالۍ د پوهنې آمر مولوي عبدالمومن منقاد په دې ولسوالۍ کې د CBS کورسونو له تدریس څخه د څارنې ترڅنګ د پوهنې د اصولو او طرزالعملونو په مراعتولو د ټینګار ترڅنګ یې مسوولینو ته لازمې لارښوونې او مشورې هم ورکړې. .
په یو بل خبر کې:
د لغمان ولایت د قرغیو ولسوالۍ د پوهنې ریاست د ښوونیز څارنې مسلکي غړي د دې ولسوالۍ د فاني بابا او نسوان سورخان لومړنيو ښوونځیو ته ولاړل، د ښوونکو د تدریس لارې چارې، حاضري او د زده کوونکو علمي سویه یې وارزوله. د ښوونځيو چارواکو ته يې د وضعيت د ښه والي لپاره مشورې او لارښوونې ورکړې
په یو بل خبر کې :
د لغمان ولايت اوسېدونکي نقيب احمد ديوبندي د دغه ولايت د الينګار ولسوالۍ د مخزن العلوم د دارالعلوم د ۷۶ زده کوونکو او ۶ تنو ښوونکو لپاره د جامو مرسته وکړه. چې دغه جامې د پوهنې د مسوولینو او د سیمې د مخورو سپین ږیرو له خوا ووېشل شول.
