په کابل کې د ۲۱ ښوونځیو د فوټبال ټیمونو سیالۍ پای ته ورسېدې
یادې سیالۍ چې څه موده وړاندې د اسلامي امارت د بریا د لومړۍ کلیزې په ویاړ د کابل ښار د ۲۱ ښوونځیو د ورزشي ټیمونو ترمنځ د حبیبیې لېسې په ورزشي میدان کې پیل شوې وې پای ته ورسیدې. د دغو لوبډلو له جملې څخه د خان عبدالغفار خان او ذبیح الله شهید لېسو اړوندو ټیمونو فاینل ته لاره پیدا کړه، په پای کې د خان عبدالغفار خان لېسې لوبډلې لومړی مقام وګاټه او د دې ټورنمنټ د اتلولۍ جام یې خپل کړ.
د پوهنې وزارت د اساسي او ثانوي زده کړو رياست د بدني روزنې د څانګې مسئولين وايي، چې د دغو سياليو له ترسره کېدو يې موخه د کابل ښار د پوهنې په غوره شويو ټيمونو کې د غوره استعدادونو وده او د ځوان نسل سالمه روزنه ده. یاده څانګه غواړي، چې د دې سیالیو په دوام د هېواد په مرکز او ولایتونو کې دې ته ورته نورې سیالۍ هم په لاره واچوي.
