د پوهنې وزارت د تعلیمي نصاب ریاست د بیلابیلوډیپارټمنټونو ترمنځ ناسته ترسره شوه
د پوهنې وزارت د تعلیمي نصاب ریاست د رئیس مفتي عزت الله نوري په مشرۍ د یاد ریاست د علمي بورډ او اړوندو ډيپارټمنټونو دمسئولينو تر منځ ناسته ترسره شوه.
د ترتيب شوې آجنډا له مخې،لومړی دتعلیمي نصاب د تشکیل د څرنګوالي تر عنوان لاندې پرېزنټېشن وړاندې شو، تر تخنيکي بحث وروسته په خالي بستونو کې د وړ او مسلکي کسانو دګمارنې لپاره طرحه ترتیب شوه، چې د وزارت د مقام تر منظوري وروسته به ورباندې عملا کار پیل شي.
د مجلس تر ختمېدلو وروسته دکمیت او کیفیت له لحاظه د ټولو ډيپارټمنټونه څارنه او ارزونه وشوه او د کارونو د لا ښه سمون په موخه له اړوندو مسئولینو سره لازمې سپارښتنې شریکې شوې.
