د پوهنې وزارت د تعلیمي نصاب ریاست د علمي بورډ د تخنیکي کمېټې ناسته ترسره شوه
د پوهنې وزارت د نصاب ریاست د رئیس مفتي عزت الله نوري په مشرۍ د یاد ریاست د علمي بورډ د تخنیکي کمېټې ناسته ترسره او پکې (د تعلیمي نصاب د پراختیا د بهیر، نوښت او ابتکار) تر عنوان لاندې پریزینټیشن وړاندې شو.
په یاده ناسته کې د تعلیمي نصاب په اړه علمي او تخنیکي بحثونه او د موجودو تخنیکي، مسلکي او علمي ستونزو په هکله تفصیلي مذاکرات ترسره شول.
په مجلس کې پرېکړه وشوه چې د تعلیمي نصاب د ریاست د اړوندو کارونو د چټکتیا او سمون په موخه به یو منظم کاري پلان جوړېږي او د وزارت د مقام تر منظوري وروسته به په عملي ډګر کې پلی کېږي.
