د میدان وردګو پوهنې ریاست ښوونکو ته د روغتیاساتلو سیمینار جوړ شو
میدان وردګ ولایت پوهنې ریاست دغونډو په تالار کې د سویدن کمېټې لخوا د مرکز میدان ښار په شمول د نرخ او جلریز ولسواليو ۲۱ تنه ښوونکو ته درې ورځینی سیمینار جوړ شو.
یاد سیمینار چې درې ورځې ترمخه پیل شوی وه ښوونکو ته د روغتیا ساتل، د څښاک پاکوالي اوبو، ساري ناروغیو او د هغو د مخنیوي او د واکسین اړوند معلومات ورکړل شول، د دې سربېره د مېرمنو او ماشومانو خوار ځواکي او ښځود ویني کمښت او د هغو د مخنیوي په اړه هم ښوونکو ته لازم معلومات ورکړل شول.
