د بغلان د پوهنې ریاست رهبري د خصوصي ښوونځیو له مسؤلینو سره ناسته وکړه
د بغلان د پوهنې ريیس محمد نور عزیزي د یاد ریاست په ودانۍ کې د خصوصي ښوونځیو له مسؤلینو سره غونډه وکړه. په ياده غونډه کې د بغلان د پوهنې رييس سربېره د پوهنې ریاست اړوند مسوولان او د خصوصي ښوونځیو مدیرانو ګډون کړی وو.
د خصوصي ښوونځیو مسؤلینو خپلې ستونزې او وړاندیزونه بیان او ورپسي د پوهنې ریاست رهبري د خصوصي ښوونځیو مسئولینو ته د اړوندو مقرراتو د پلي کیدو تر څنګ يو شمېر لازمي لارښوونې وکړې، نوموړي زياته کړه چې، په ښوونځیو کې باید د نجونو او هلکانو ټولګي بیل او انجونو ته ښځېنه ښوونکې تدریس وکړي، د دیني علومو ښوونکي باید دیني عالمان وي، دیني علومو او دیني تدریسي ساعتونو ته دي ځانکړې پاملرنه وشئ، زده کوونکي باید په ښه ډول وروزل شي.
