د لابراتواري وسایلو د ساتلو په موخه د ښوونځیو ۵۰ مدیرانو ته ښوونیږ ورکشاپ جوړ شو
د پوهنې وزارت، کابل: د پوهنې وزارت دښوونیز ساینس او ټکنالوژی عمومي ریاست د غونډو په تالار کې د مرکزي زون ( کابل، کاپیسا، پروان، لوګر، میدان وردګ او پنجشیر) د ښوونځیو ۵۰ تنو مدیرانو لپاره د ښوونې او روزنې وسایلو په ځانګړي ډول د ښوونې او روزنې د ثبت شویو CD ګانو د ساتلو په موخه ښوونیږ ورکشاپ جوړ شو.
پوهنې وزارت د ساینس او ټیکنالوژۍ عمومي ریاست د آسیا فونډیشن تخنیکي او مالي مرستې په همکارۍ د هېواد په ۳۴ ولایتونو کې د ښوونځیو ۳۰۰ نجونو لپاره د کانکور آزموینې د چمتو والي کورسونه پلي کړي، چې په ترڅ کې د ذکر شویو ښوونځیو لپاره درسي توکي لکه: تعلیمي سي ډي، فلش، د درسي محتویاتو نه ډګ میموري ویشل شوي.
د ورکشاپ په پیل کې، د ساینس عمومي ریاست د لابراتوارونو روزنې او پراختیا رئیس عبدالسمیع کبیري د آسیا فونډیشن له مؤسسي څخه مننه وکړه او د ورکشاپ میکانیزم په اړه یې برخه والو ته لازم معلومات وړاندې کړل او له هغوی یې وغوښتل چې د ښوونځیو زده کونکو ته سپارښتنې وګړې چې د لابراتواري توکو په کارولو کې جدې پاملرنه وکړي.
له بلې خوا، د یادو ښوونځیو مدیرانو ژمنه وکړه چې دیاد شوي درسي تجهیزاتو د ساتنې په برخه کې به همکارۍ کوي.
