د هلمند ولایت د ِيوښوونځي د زده کوونکو میزونه او چوکۍ ورغول شوې
د پوهنې وزارت، هلمند: د هلمند ولایت د مرکز لښګرګاه ښار د مرکزي نسوان لیسې زده کوونکو لپاره د هلمند پوهنې ریاست اړوند د نجارخوني له لوري یو شمیر میزونه او چوکۍ ترمیم شوه.
د هلمند ولایت د پوهنې ریاست د خدماتو مدیر رحمت الله داوري وایي چي یاد میزونه او چوکۍ د کاره لویدلي وه، چې د هلمند پوهنې ریاست د نجارخانې له لوري ورغول شوه او د درې سوه زده کوونکو ستونزه به پرې حل شي.
د یادوني وړ ده چې د هلمند پوهنې ریاست د رهبرۍ د هدایت سره سم به د ټولو ښوونځیو د کاره لویدلي میزونه او چوکۍ بیا ځلي ترمیم او د زده کوونکو په واک کې به ورکړل شي.
