زابل کې د ۵ ښوونځيو نوې ودانۍ پرانېستل شوې
د پوهنې وزارت، زابل: دزابل ولایت د شاه جوی، سیوري او شهرصفا ولسوالیو کې د ۵ بابه ښوونځيو نوې ودانۍ د یو لړ مراسمو په ترڅ کې پر انیستل شوې.
د یادو ښوونځيو ودانۍ په پاخه او اساسې ډول د ولسې تړون اقرأ پروژې له لوري د یوکال په موده کې جوړې شوي دي، چي یادې ودانۍ په مجموع کې ۳۸ درسې خونې، ادرای خونې، تشنابونه، د پاکو اوبو څاه ګان او نوري اړوندې ښونیږي اړتیاوي لري چي له جوړېدو او پرانېستو سره يې د یادې سیمو ۳۰۰۰ زده کوونکو ته د زده کړو خوندي درسي چاپېریال برابر شي.
