ننګرهار پوهنې ریاست له لورې د ماشوم نړیواله ورځ ونمانځل شوه
د پوهنې وزارت، ننګرهار: ننګرهار پوهنې ریاست له لورې او د یونیسف موسسې په همکاری د ماشوم نړیواله ورځ د یوې غونډې په ترڅ کې ولمانځل شوه.
د ولسمشر سلاکار او د ننګرهار والي ضیا الحق امرخیل د ماشومانو د حقوقو په اړوند خبرې وکړې ویې ویل: په افغانستان کې د روانې بد مرغه جګړې تر تولو ډیره قرباني ماشومان ورکوي او جګړې له ماشومانو د خوندي چاپېریال درلودلو حق اخسیتی دی.
د ننګرهار د پوهنې ریس حسیب الله شینواری په پرانستونکې وینا کې لومړی ماشومانو او د هغوی کورنیو ته د ماشوم دنړیوالې ورځې له امله مبارکي وویله زیاته یې کړه: د ماشوم نړیواله ورځ په ۱۹۵۴ کال کې د ملګرو ملتونو له لورې وټاکل شوه.
پوهنې ریس د افغان ماشومانو حالت ته په کتو د ماشوم یو څو اساسي حقوقو لکه (خوندي چاپیریال، لومړنۍ اړتیاوې، زده کړه، روغتیا، نظر څرګندولو او ...) څخه یادونه وکړه، نوموړي وویل: کورنۍ، حکومت او ټولنه مسولیت لري، چې ماشوم ته د پیدایښت له وخته تر اتلس کلنۍ پورې ټول حقوق ادا کړي.
حسیب الله شینواری وویل سږ کال د ماشومانو د نړیوالې ورځې شعار د چاپېریال بدلون او د کرونا ویروس پر وړاندې مبارزه کول دي چې باید پاملرنه ورته وشي.
بیا په ختیزو ولایتونو کې د یونیسف ادارې مسول ډاکتر نافع کاکړ د ماشومانو د نړیوالې ورځې او د هغوی د حقونو د نړیوال کنوانسیون په اړه ه خبرې وکړې.
