د بامیان او دایکندي ولایتونو د ماسټر ټرینرانو لپاره د ظرفیت لوړونې ورکشاپ جوړ شو
د پوهنې وزارت_بامیان: د بامیانو او دایکندي ولایتونو د ماسټر ټرینرانو لپاره د ظرفیت لوړولو روزنیز ورکشاپ د دغه ولایت د پوهنې ریاست مسوولینو، د یونیسف استازي او له مرکز څخه لیږل شوي پلاوي په شتون کې پیل شو.
د بامیان ولایت د پوهنې ریاست مالي او اداري معین محمد عوض حیدري د دې روزنیز ورکشاپ تنظیم کونکو ته د مننې په ویلو سره د بامیان او دایکندي ولایتونو ماسټر ټرینرانو لپاره اوسنی فرصت ارزښتناک وباله او له ګډون والو یې وغوښتل چې په ۵ ورځو کې له دې فرصت څخه پوره ګټه واخلي.
د څارنې او ارزونې په برخه کې د ماسټر ټرینرانو روزنیز ورکشاپ چې تر پنځو ورځو پورې به دوام ولري د بامیانو او دایکندی ولایتونو د ښوونکو د روزنې شل تنه ښوونکي او د یادو ولایتونو د پوهنې ریاستونو د نظارت غړي پکې ګدون لري.
