د ننګرهار د پوهنې رییس خپله ۵ جریبه شخصي ځمکه ښوونځي ته وقف کړه
د پوهنې وزارت_ننګرهار: د ننګرهار ولایت د پوهنې رییس حسیب الله شینواري د خپلې کورنۍ په استازیتوب خپله ۵ جریبه شخصي ځمکه د هسکې مینې ولسوالی د میاداد لومړني ښوونځي ته وقف کړه.
په یاده ځمکه به میا داد په نوم نوی تاسیس شوي لومړنې ښوونځي چې خپله ځمکه نه لري او زده کوونکي يې تر شنه آسمان لاندې په زده کړو بوخت دې په پا خه او اساسیي ډول نوي ودانۍ جوړه شي، چې د دې ښوونځي په جوړېدو سره به په يوه خوندي چاپېريال کې د سېمي ماشومانو ته د ښوونيزو خدمتونو د وړاندې کولو زمينه برابره شي.
پوهنې رییس وویل کورنۍ به یې په راتلونکې کې هم له یاد ښوونځي سره خپلو مرستو ته دوام ورکړي.
دهسکې مېنې ولسوالۍ د پوهنې آمر مصري خان کلیوال د پوهنې رییس د معارف پالنې د دې احساس ستاینه وکړه او پرنورو شتمنو یې غږ وکړ چې بې ځمکو ښوونځیو ته د ځمکې په ورکولو کې همکاري وکړي.
