د هلمند پوهنې ریاست په ګډون په ټولو ښوونځیو کي د کارکوونکو له لوري د پاکوالي حشر ترسره شو
د پوهنې وزارت_هلمند: د هلمند پوهنې ریاست رهبرۍ، ټولو کارکوونکو او زده کوونکو له لوري د هلمند پوهنې ریاست، د ښار پوهنې امریت او ټولو ښوونځیو کي د پاکوالي حشر ترسره شو.
د هلمند پوهنې رئیس محمد داؤد شاه صفاري په ګډون د یاد ریاست مرستیالانو او ټولو کارکوونکو له لوری لومړی د پوهنې ریاست ودانۍ او شاه خوا سیمو او د ښار پوهنې امریت څخه کثافات ټول او ځانګړي شوي ځای ته انتقال شوه.
ښاغلي صفاري وویل چي دا ډول حشر کولای شي ښوونځي پاک او تدریسي چاپیریال رامنځته کړي او زده کوونکي دي تل هڅه وکړي چي دا ډول حشر دود وګرځوي.
همدارنګه په ښوونځیو کي د ښوونکو او زده کوونکو له لوري هم حشر ترسره کړ او د ټولو ښوونځیو پاکوالی په ګډه ترسره کړ
.
د یادوني وړ ده چي د پوهنې محترم وزارت له لوري په ټول هیواد کي د پاکوالي یاد حشر پیل شوی دی.
