پوهنې وزیر د کابل ښار د دریو ښوونیزو حوزو ساینسي ښوونکو لپاره د ښوونیز او تجربوي ورکشاپ د ترسره کیدو څخه لیدنه وګړه
پوهنې وزارت ــ کابل: پوهنې وزیر ډاکتر محمدمیرویس بلخي د تجربوي، ښوونیز، علمي ورکشاپ له څلورم پړاو څخه چې دکیمیا، فزیک، بیولوژي، ریاضي، او کمپیوټر برخو ښوونکو لپاره د ساینس مرکز له لوري د کابل ښار دیارلسمې، څوارلسمې او پنځلسمې ښوونیزو حوزو لپاره ترسره شوۍ دۍ لیدنه وکړه.
پوهنې وزیر په دې ښوونیز ورکشاپ کې د ګډون کوونکو په مینځ کې د هغوي د ظرفیت ارتقا په موخه د راغلو ښوونکو له هڅو څخه د ستاینې ترڅنګ، ټینګار وکړ چې پوهنې وزارت د پوهنې لسیزې په سند کې د ښوونکو ستونزو حل لپاره ټول میکانیزمونه په نظر کې نیولي دي او په دې ۱۰ کلونو کې په پام کې ده چې په ښوونه او روزنه کې د اوسني حالت څخه یو مطلوبه حالت ته ورسیږو.
په دې ورکشاپ کې ګډون کوونکو د پوهنې وزیر سره په خبرو کې، د اوسنۍ ښوونیزې دوري ترسره کیدل یې ګټور او مؤثره یاد کړل او د ریاضیاتو او ساینسي مضمونو د تدریس لپاره يې د خپلو ښوونځیو ستونزې د پوهنې وزیر ډاکتر بلخي سره شریکې کړې.
د یادونې وړ ده دا ورکشاپ د کابل ښار د دریو ښوونیزو حوزو څخه د ساینسي مضمونونو د برخې ۳۸۰ ښوونکو په شتون کې د ۱۲ ورځو لپاره ترسره کیږي.
د ویلو ده چې د کابل ښار ښوونکو ظرفیت لوړونې په موخه د یاد ورکشاپ درې تیرې برخې په تیرو دو میاشتو کې ترسره شوې دي.
