د پوهنې وزارت او د پارلمان بودجې او مالي کمسیون ګډه غونډه د دوکتور شینواري په شتون کې تر سره شوه
پوهنې وزارت- کابل: د پوهنې وزارت او د پارلمان د عمومی محاسباتو او بانکونو چارو بودجې او مالي کمسیون ګډه غونډه د پوهنې وزارت د عمومي زده کړو معین دوکتور محمد ابراهیم شینواري په شتون کې تر سره شوه.
په دې غونډه کې د پوهنې وزارت عمومي زده کړو معین دوکتور محمدابراهیم شینواري او په پارلماني چارو کې د پوهنې وزارت ارشد مشارو محبوب الله صدیقي، د پوهنې وزارت په مالي او بودجوي چارو کې د پارلمان د ډيرې همکارۍ په اړه او د افغانستان ماشومانو راتلونکي په ګټه د همکاریو په پیاوړتیا خبرې اترې وکړې.
همدارنګه په دې غونډه کې د عارف عظیم شرکت سره د کمپیوټرونو او 3D مضمونونو چمتو کولو قرارداد په اړه هم خبرې وشوې.
د پارلمان مالي او د بانکونو عمومي محاسباتو بودجې کمیسون غړو په دې لیدنه کې د پوهنې وزارت د عمومي زده کړو معین له کړنو څخه ستاینه وکړه او د ګډو همکاریو پر پیاوړتیا یې ژمنه وکړه.
