په زابل کې ۳۰۰ نجونو زده کوونکو ته د انګلیسي او کمپیوتر وړیا زده کړی وړاندي کیږي
د پوهنې وزارت_زابل: په زابل کې د فُرصت ښوونیز مرکز له لوري ۳۰۰ نجونو ته د انګلیسي او کمپیوټر وړیا زده کړې وړاندي کیږي.
د فُرصت ښوونیز مرکز له لوري د قلات ښار بي بي خالا لېسه کې له هغه ۳۰۰ نجونو زده کوونکو د شمولیت ازموینه واخیستل شوه چې په راتلوونکي کې په وړیا توګه د دې ښوونیز مرکز له لوري ورته د انګلیسي او کمپیوټر برخه کې زده کړې ورکول کیږي .
د دې ښوونیز مرکز مشر سردارولي سرحدي وویل: دوی غواړي په عصري او دیني علومو کې د غریب او بې وزله زده کوونکو لپاره د زده کړې زمینه مساعده کړې چې دا ځل يې د خویندو لپاره هم خپل خدمات پیل کړل.
ښاغلي سردارولي زیاته کړه، چې ددوی خدمات به لاهم دوام ولري او د اړتیا په صورت کې هرځای حاضر دي چې زابلي زده کوونکو ته د زده کړې وړیا زمینه برابره کړي.
همدارنګه د زابل د پوهنې رییس نصرالله زاهد په خصوصي برخه کې د فُرصت ښوونیز مرکز هڅې او کارونه وستایل او زیاته يې کړه چې د خویندو لپاره د عصري زده کړو وړاندې کول یو له اړینو کړنو څخه وو چې فُرصت ښوونیز مر کز دغه چاره ترسره کړه موږ ترې مننه کوو.
د بي بي خالا لېسې زده کوونکو او مدیرې هم د فُرصت ښوونیز مرکز له دې ګامه خوښي څرګنده کړه .
ُد یاده ولو وړ ده چې فرصت ښوونیز مرکز په زابل ولایت کې نوی فعالیت پیل کړی د دیني او عصري زده کړو په برخه کې په وړیا ډول سره ښوونیز خدمات وړاندې کوي.
