په کندهار کې د ماشومانو د حقوقو د پوهاوی په موخه علمي سیالۍ جوړه شوه
د پوهنې وزارت_کندهار: د کندهار ولایت د پوهنې ریاست او یونیسف موسسي په همکاری د ماشومانو د حقوقو د کنوانسیون د (۳۰) کلیزي په ویاړ د یاد کنوانسیون د قانون د تصویب، د مادو د تشریح او د حقوقو د پوهاوي په موخه د زده کوونکو ترمنځ سیالۍ په لاره واچول شوه.
په هغه غونډه کې چي د همدې سیالۍ د ګډون کوونکو د تشویق او هڅوني په موخه جوړه شوې د پوهني ریاست د مسوولینو برسیره ، د یونسیف، (HRDA) مؤسسو استازو، د ماشومانو د حقوقو مدافع او د هڅي مؤسسې مسؤل عزیزاحمد عزیزي، د بیلابیلو ښوونځیو ښوونکو او په لسګونو ماشومانو ګډون درلود.
په یاده سیالۍ کي د ښاري ښوو نځیو ترڅنګ د ډنډ ولسوالۍ د یو شمیر ښوونځیو زده کوونکو هم ګډون درلود.
په نوموړي سیالۍ کي یادو زده کوونکو څخه پنځه تنه هغه ماشومان چي په فعاله توګه یې ګډون کړی و او د ټولو حقوقو څخه یې بشپړ معلومات درلودل په نښه شول چي د همدې زده کوونکو د تشویق او هڅوني په موخه ورته ځانګړی پروګرام جوړ شوي ترڅو د دوی د تشویق او هڅوني ترڅنګ نور ماشومان هم د خپلو حقوقو څخه خبر او معلومات ترلاسه کړي.
وروسته د پوهني ریاست د عمومي زده کړو امر او سرپرست رئیس محمد طاهر ایوبي د ټولو ګډون کوونکو څخه د منني ترڅنګ وویل د تدریسي مضامینو څخه برعلاوه د افغانستان د نافذه قوانینو او ټولنیزو مسایلو په اړوند علمي سیالۍ نه یوازي د زده کوونکو د تشویق او هڅوني سبب ګرځي د دوی فکروده کوي او علمي سطحه یې لوړیږي بلکي د سټیج سره بلدتیا پیدا کوي او په راتلونکي کي په ډیر جرات سره بحث او خبري کولای شي
همدارنګه د ماشومانو د حقوقو مدافع عزیزاحمد عزیزي او د (HRDA) مؤسسې استازي محب هم ویناوي وکړې او د خپلو وینا په مهال یې په کندهار کي د ماشومانو پر حالت بحث وکړ او غوښتنه یې وکړل ترڅو ټول مسؤل اشخاص د ماشومانو حقوقو ته بشپړ درناوی ولري دغه راز ماشومانو هم د خپلو حقوقو په اړوند چمتو شوي مقالې او ترانې وویلي او په وروستیو کي هغه تحفې چي د ګټونکو د پاره ځانګړي شوي وې ورکول شوې .
