پکتیا کې د ۱۰ میلیونو ډالرو په ارزښت ۱۰۳ ښوونځیو ته ودانۍ جوړیږي
د پوهنې وزارت_پکتیا: په پکتیا ولایت کې د کلیو پراختیا وزارت له لوری د اقراُ برنامې په لړ کې ۱۰۳ ښوونځیو ودانیو جوړیدلو پرانسته وشوه.
په هغه غونډه کې چې د ولایت د مقام په تالار کې جوړه شوي وه، د پکتیا والی بر سیره د کلیو پراختیا وزارت وزیر مجیب الرحمن کریمي، د پوهنې رییس استاد کوچي ځاځي، د دولتي ادارو یو شمیر مسوولینو، قومی مشرانو، د ولایتی شورا غړو، ښوونکو او زده کوونکو ګډون در لود.
د کلیو د پراختیا وزارت وزیر مجیب الرحمن کریمی وویل: چې په دې لویې پروژې ۱۰ میلیونه ډالره لګښت راځي، چې د اقرا برنامي له لوري د یوه کال په جریان کې به ګټې اخستنې ته وسپارل شي.
همدارنګه د پوهنې رئیس په همدې اړوند غونډې ته په خبرو کې وویل:دا مې هیله وه چې په دې ولایت کې ښوونځي سل سلنه ودانۍ ولري، زه ډېر خوښ یم چې نن مې دا ارمان د پوره کیدو په حال کې ده.
په ورته وخت کې استاد ځاځي د ولایتي رهبری او محترم وزیر صېب له هڅو او همکاریو هم مننه وکړه چې په دې برخه کې یې د زړه له تله یې هڅې کړې دي. ددې تر څنګ یې د متوازن خدمتونو یادونه هم وکړه.
د یادولو وړ ده چې د کلیو پراختیا وزیر په نورو بیلابیلو برخو کې هم د ۴۹۹ نورو پروژو یادونه وکړه چې ۹۶۷ میلیونه افغانۍ لګښت به پرې راځي.
