ننګرهار کې د ښوونیزې څارنې غړو ته د وړتیا لوړونې ورکشاپ جوړ شو
د پوهنې وزارت_ننګرهار: د ننګرهار ولایت د پوهنې ریاست اړوند دښوونیزې څارنې غړو ته د وړتیا لوړولو په موخه روزنیز ورکشاپ پیل شو .
په دې ورکشاپ کې چې د یونیسف ادارې په مالي مرسته جوړ شوی او پنځه ورځې به دوام وکړي د ننګرهار ولایت د دوه ویشت ادارې واحدونود ښوونیزې څارنې دامرینو په ګډون د ۴۴ تنه د څارنې غړي برخه لري.
دورکشاپ د پرانستې په مراسمو کې دپوهنې ریاست د ښوونیزې څارنې امر عاشق الله عمرزي دپوهنې ریاست په استازیتوب لومړی د یونیسف ادارې نه مننه وکړه چې دپوهنې ریاست په غوښتنه یې دا مهم او ګټور ورکشاپ جوړ کړي.
عاشق الله عمرزي دورکشاپ له ګډونوالو وغوښتل چې په دې ورکشاپ کې وړاندې شوي موضوعات به له خپلو لاس لاندې کارکوونکو سره شریک کړي.
وروسته د پوهنې وزارت د ښوونیزې څارنې دریاست راغلي استازي او د ورکشاپ د ګډونوالو په استازیتوب یو تن خبرې وکړې او دا ورکشاپ یې د ښوونیزې څارنې د غړو د ظرفیت لوړونې لپاره ګټور وباله .
