په کندز کې د ښوونکو نړیواله ورځ ولمانځل شوه
د پوهنې وزارت_کندز: دکندز ولایت دمقام لخوا د ښوونکي د نړیوالي ورځ د یو لړ شاندارو مراسمو په ترځ کې ولمانڅل شوه.
په یاده لمانځغونده کې د کندز ولایت والي عبدالجبار نعیمی ، په ولایتي شورا کې د ولس د استازو، مدني فعالانو، ځوانانو، ښوونکو، د ښوونځیو مدیرانو او میرمنو ګډون درلود.
کندوز والي عبدالجبار نعیمي د ښوونکو د ورځي د مبارکۍ ترڅنګ وویل: نن خوښ یم چې د ښوونکي نړیواله ورځ لمانځو زمونږ استادان مسولیت لري چې په هیوادنۍ مینې سره د هیواد راتلونکې نسل د علم په زیور سمبال کړي.
کندوز والي همداشان وویل: زمونږ هریو باید د هیواد د پرمختګ لپاره تلاش وکړو، که نن په فکري رغونې لپاره کار ونه شي نو هیڅکله به زمونږ هیواد پرمختګ ونه کړي ځکه که ذهنیتونه جوړ نه وي هیڅکله به پر مختګ ونه کړو.
همدارنګه په غونډه کې یو شمېر ښوونکو هم خبري وکړې او د خپلو فعالیتونو په اړه يې د غونډي برخوالو ته مالومات وړاندي کړه او د ښوونکو یو شمېر ستونزې بیان کړې .
د غونډې په پاي کې د ولایت مقام لخوا یو شمېر زیارکښو ښوونکو ته ستاینلیکونه او ډالۍ ورکړل شوې .
